حدیثِ عالی مطلق
پی۔ڈی۔ایف فارمیٹ میں مقالہ محفوظ کریں
حديث عالى مطلق
علم حدیث كى ايك اصطلاح ہے جس سے مراد وہ خبر ہے كہ جو سند كے لحاظ سے كسى دوسرى حديث كے مقابلے ميں كمتر واسطوں سے
معصومؑ سـے متصل ہو۔
[ترمیم]
حدیث عالی كى دو اقسام ہيں:
۱۔ عالی مطلق
۲۔ عالی نسبی
حديث عالى مطلق سے مراد وہ حديث ہے كہ جس كى سند كے راوى اسى متن پر مشتمل دوسرى حديث كے راويوں سے كم ہوں۔
بعض علماء نے مذكورہ بالا تعريف كے علاوہ ايك اور تعريف بھى ذكر كى ہے كہ وہ حديث عالى مطلق كہلاتى ہے جس كے راوي كى تعداد مطلق طور پر بقيہ احاديث كے راويوں سے كم ہوں، مثلًا
ثلاثیات کافی (محمد بن یحیی عن احمد بن محمد بن عیسی عن الحسین بن سعید) اور
ثلاثیات تہذیب (محمد بن محمد بن نعمان عن احمد بن محمد بن حسن عن أبیہ محمد بن حسن بن ولید)، ان دونوں سندوں ميں راويوں كى تعداد بقيہ احاديث كى اسانيد ميں وارد ہونے والے راويوں كى تعداد سے كم ہے اس ليے ثلاثياتِ كافى اور ثلاثياتِ تہذيب حديث عالى مطلق كہلائے گى۔
[ترمیم]
۱۔ حديث عالى مطلق كى سند اسانيد ميں سب سے بہترين شمار كى جاتى ہے بشرطيكہ حديث كے راوى علم رجال كى رو سے
حدیث صحیح كے كى شرائط كے حامل ہوں۔ اگر ايك حديث سند كے اعتبار سے كم راويوں پر مشتمل ہو ليكن علم الرجال كے اعتبار سے
حدیث ضعیف ہو تو يہ حديث قابل قبول نہيں ہو گى اور كم راويوں كا ہونا كسى قسم كا امتياز شمار نہيں ہو گا، مثلا اگر ايك حديث كى سند كم راويوں كے ذريعے معصوم عليہ السلام سے متصل ہو جاتى ہے ليكن وہ راوى كذّاب يا مجہول الحال يا سند كسى اور ضعف كا شكار ہے تو يہ روايت ضعيف كہلائے گى اور سند ميں كم راويوں كا ہونا كسى قسم كا فائدہ نہيں دے گا۔
۲۔ دوسرى رائے يہ ہے كہ اگر ايك راوى كم راويوں پر مشتمل ہے تو يہ حديث عالى مطلق كہلائے گى اور اس كا ضعيف ہونا يا راوى كا كسى نقص كا شكار ہونا اس كے علو اور رتبے كى كمى كا باعث نہيں بنے گا۔ پس حديث كى سند كا صحيح نہ ہو اس كے علو ہونے كے ليے مضر نہيں ہے۔ البتہ اگر سند كے عالى ہونے كے ساتھ ساتھ اگر حديث صحيح بھى ہو تو اس حديث كى قيمت بڑھ جاتى ہے اور زيادہ مفيد شمار ہو گى۔
حديث عالى مطلق كے درج ذيل مترادفات ہيں:
خبر عالی مطلق، روایت عالی مطلق، عالی مطلق۔
[ترمیم]
[ترمیم]
پایگاه مدیریت اطلاعات علوم اسلامی، ماخوذ از مقالہ حدیث عالی مطلق، تاریخ بازیابی ۱۳۹۶/۷/۲۔
