امام حسینؑ پر پانی بند کرنے کے اہداف
پی۔ڈی۔ایف فارمیٹ میں مقالہ محفوظ کریں
تاریخی مآخذ کی بنیاد پر سات یا آٹھ محرم کو
امام حسینؑ کے کاروان پر پانی بند کیا گیا اور اس اقدام سے
دشمن کا ہدف بچوں اور
خواتین کو تکلیف دینے اور
حضرت ابا عبد اللہؑ پر دباؤ ڈالنے کے علاوہ
علویوں اور
بنی ہاشم کے خلاف جھوٹا سیاسی پراپیگنڈہ بھی تھا۔
[ترمیم]
طبری کی نقل کے مطابق پانی بند کرنے کا حکم
عاشور سے تین دن قبل یعنی ساتویں کے دن یا حد اکثر آٹھ محرم کو جاری کیا گیا۔
[ترمیم]
اس اقدام سے دشمن کے اہداف کو درج ذیل نکات میں بیان کیا جا سکتا ہے:
۱۔ امام کا لشکر پانی تک رسائی کے مسئلے سے دوچار ہو جائے اور ان کیلئے مقابلہ دشوار ہو جائے۔
۲۔ اس حربے سے بچوں اور
خواتین کو زیادہ سے زیادہ تکلیف پہنچائی جا سکتی تھی اور شاید
دشمن کا یہ تصور تھا کہ اس طریقے سے
امامؑ دباؤ کے باعث خود کو دشمن کے حوالے کر دیں گے مگر ایسا نہیں ہوا۔
۳۔ تیسرا اور اہم ہدف یہ لگتا ہے کہ پانی بند کرنے کا اقدام عثمانی گروہ یعنی
بنو امیہ کی طرف سے
علویوں اور
بنی ہاشم کے خلاف ایک سیاسی اور تشہیری اقدام تھا۔ وہ چاہتے تھے کہ
امام علیؑ پر
عثمان کا پانی بند کرنے کی تہمت کا دوبارہ پراپیگنڈہ کر کے اپنے دیرینہ کینوں کو زندہ کریں اور اپنے حامیوں کو جوش دلائیں۔ یہ جو
ابن زیاد،
عمر بن سعد کے نام اپنے خط میں عثمان اور ان تک پانی نہ پہنچنے کا ذکر کرتا ہے؛ اس کی وجہ یہی ہے۔
امام علیؑ یا بنو ہاشم کی جانب سے عثمان کے گھر کا محاصرہ اور ان پر پانی کی بندش بنو امیہ کا بہت بڑا جھوٹا پراپیگنڈہ تھا۔
[ترمیم]
عاشور کے دن پانی نہ ہونے کی وجہ سے خیام حسینی میں بچوں کی العطش العطش کی صدائیں تھیں۔ شہدائے کربلا نے اسی پیاس کے عالم میں جنگ کی۔ واضح ہے کہ جنگ کی سختی اور زخم کھانے کے دوران پیاس کا غلبہ بہت زیادہ ہو جاتا ہے۔ مگر اس کے باوجود دشمن نے فرات کی طرف جانے والے تمام راستے بند کر رکھے تھے حتی بچوں اور خواتین کیلئے بھی پانی میسر نہیں تھا۔
[ترمیم]
• پیشوائی، مہدی، مقتل جامع سید الشہداء، ج۱، ص۷۰۷-۷۰۸۔
